85 mln teńge jymqyrǵan qazaqstandyq Ýkraınadan ekstradısıalandy
Ýkraınadan qarjy pıramıdasynyń jetekshisi Qazaqstanǵa ekstradısıalandy, dep habarlaıdy Almaty-akshamy.kz Bas prokýratýraǵa siltem jasap habaraıdy.
«Ýkraına Bas prokýrorynyń ofısi qarjy pıramıdasyn uıymdastyrǵan jáne basqarǵan «K» esimdi Qazaqstan azamatyn ekstradısıalaý týraly ótinishimizdi qanaǵattandyrdy. Tergeý barysynda atalǵan adamnyń 2017-2018 jyldar kezeńinde turǵyn úı satyp alýǵa járdemdesýge ýáde berip, qazaqstandyq azamattardyń 85 mln teńgeden astam aqshalaı qarajatyn aldap alǵany anyqtaldy», - delingen habarlamada.
Prokýratýranyń aqparatyna qaraǵanda, ustalǵan azamatqa halyqaralyq izdeý jarıalanǵan.
Aǵymdaǵy jyldyń qańtarynda kúdiktini Ýkraına aýmaǵynda sol eldiń quqyq qorǵaý organdary ustady. Qazirgi ýaqytta ol Astana qalasynyń tergeý ızolátoryna qamaldy.