Qazaqstannyń basym bóliginde jaýyn-shashyn jaýmaıdy
"Qazgıdromet" respýblıkalyq kásiporny taratqan málimetterge qaraǵanda, Qazaqstannyń basym bóliginde 8 qazanda soltústik-batys antısıklonynyń áserinen kún negizinen jaýyn-shashynsyz bolady, dep habarlaıdy Almaty-akshamy.kz
Tek elimizdiń shyǵysynda, ońtústik jáne ońtústik-shyǵysynyń taýly aýdandarynda ǵana qar jáne qar aralas jańbyr jaýady.
Respýblıkamyzdyń ońtústik jáne ońtústik-shyǵysynda jel kúsheıedi, ońtústikte - shańdy daýyl turyp, túnde jáne tańerteń ońtústik jáne ońtústik-shyǵysta, soltústik-batys jáne ortalyqta tuman túsedi.
Túnde Jambyl oblysynyń taýly aýdandarynda, kúndiz oblystyń batysynda tuman, ońtústik-batysta, soltústik-shyǵys jáne taýly aýdandarda jeldiń jyldamdyǵy sekýndyna 15-20 metrge jetip, ekpini 23-28 m/s bolady.
Túnde jáne tańerteń Almaty oblysynyń taýly jáne taý bókterli aýdandarynda tuman túsedi, kúndiz Alakól kólderi aýmaǵynda - jeldiń kúshi 15-20 m/s-qa jetedi. Túrkistan oblysynyń soltústiginde, batys jáne taýly aýdandarynda jeldiń jyldamdyǵy sekýndyna 15-20 metr bolady, ekpini 25 m/s-ke jetedi.
Qyzylorda oblysynyń ortalyǵynda jáne ońtústiginde jeldiń jyldamdyǵy sekýndyna 15-20 mterge jetedi, ekpini 23 m/s bolýy yqtımal, oblystyń ortalyǵynda shańdy daýyl turady.
Qostanaı, Qaraǵandy oblystarynyń soltústiginde, túnde jáne tańerteń Aqtóbe oblysynyń soltústiginde jáne soltústik-shyǵysynda, Soltústik Qazaqstan oblysynyń ońtústik-batysynda tuman kútiledi.