77 jastaǵy Gúljahan Jambylova ýnıversıtetke baryp, aǵylshyn tilin úırenip júr, - dep habarlaıdy almaty-akshamy.kz "Qazaqstan" telearnasyna silteme jasap.
Ómir boıy ustazdyq etken zeınetker qazaq, orys tilderinen bólek, nemis jáne fransýz tilderin biledi. Aǵylshyn tilin úırenip, nemerelerimen álem aralaǵysy keletin áje sıfrlyq saýattylyq boıynsha kýrs aıaqtap úlgergen.
"Qaınaǵan ómirdiń ishinde bolý úshin osy kýrstarǵa jazyldym. Nemerelerimmen qarym-qatynasty saqtaý úshin, kárilikke boı aldyrmaý úshin aǵylshyn tilin úırenip júrmin. Eýropaǵa, Amerıkaǵa baryp, ózge adamdarmen sóıleskim keledi", - deıdi polıglot áje.
Jeli qoldanýshylary birneshe til biletin ájege súısinip, pikir qaldyrǵan.
"Ádemi qartaıǵan áje eken", "Zor densaýlyq sizge, armanyzga jetip qydyryp kelińiz", "Apa damı berińiz, shet el aralap el kórińiz", - dep jazǵan olar.