Safına Namýkvaıa EKO ádisimen júkti bolyp, ómirge egiz balany aman-esen ákelgen.
Ýgandalyq qyz ben uldyń anasy atanǵan áıelge kesar tiligi jasalǵan, dep habarlaıdy Almaty-akshamy.kz.
BBC News jazýynsha, Safınanyń ózi balalardyń dúnıege kelýin keremet dep atady. Zeınetker ana ózin jaqsy sezinedi. Kampala qalalyq aýrýhanasy 70 jastaǵy ananyń egizderdi ómirge ákelýin tek medısınalyq jetistik qana dep sanamaıdy.
«Bul adam rýhynyń kúshi men tózimdiligi týraly áńgime», - dep atap ótti dárigerler.
Namýkvaıa Afrıkanyń eń qart anasy atandy. Ol balalardy jalǵyz ózi tárbıelemek. Óıtkeni Safına egiz kútedi degen jańalyqty estigen boıda, balaradyń ákesi ajyrasyp ketken.
«Er adamdar birneshe balanyń ómirge keletinin unatpaıdy. Meni osynda qabyldaǵannan beri ol eshqashan kelgen emes», - dedi áıel.
Bul Namýkvaıanyń sońǵy úsh jylda ekinshi ret bosanýy. 2020 jyly ol qyz týdy. Safına tuńǵyshy dúnıege kelgenge deıin adamdar onyń balalarynyń joqtyǵynan mazaq etkenin aıtty.
«Men basqa adamdardyń balalaryn baqtym, olar erjetip, meni jalǵyz qaldyrdy. Men qartaıǵan kezde maǵan qamqorlyq jasaıtyn eshkim bolmaıdy dep oıladym», - dep túsindirdi ol urpaq ákelgisi keletindigin.
Aqparatqa sáıkes, Namýkvaıa balalaryn dúnıege ákelý úshin donorlyq uryqty nemese buryn muzdatylǵan uryqty paıdalanǵany belgisiz. Sondaı-aq, Safına menopaýzadan ótken, ótpegeni de belgisiz. Ol ádette 45 pen 55 jas aralyǵyndaǵy áıelderde kezdesedi.
Bir qyzyǵy, Namýkvaıa álemdegi eń qart ana emes. 2019 jyly Úndistanda egiz qyzdardy Mangaıamma Iaramatı esimdi 73 jastaǵy áıel dúnıege ákeldi. Olda balalarǵa EKO arqyly júkti bolǵan.