Dúkennen 7 dana telefon urlap ketken qyzylordalyq áıel anyqtaldy
20 qazanda Qyzylorda qalasy polısıa basqarmasynyń kezekshi bólimine oblys ortalyǵynyń turǵynynan aryz tústi. Belgili bolǵandaı, 19 qazan kúni qala ortalyǵyndaǵy ornalasqan dúkenderdiń birinde 7 dana uıaly telefon urlap ketken, dep habarlaıdy almaty-akshamy.kz
Aryz ıesine keltirilgen shyǵyn kólemi 3 mıllıon teńgeni quraıdy. Oryn alǵan urlyqqa qatysty júrgizilgen jedel izdestirý is-sharalary nátıjesinde Qyzylorda qalalyq polısıa basqarmasynyń qyzmetkerleri táýlik ishinde urlyqty ashyp, kúdiktini ustady. Ol 34 jastaǵy qala turǵyny bolyp shyqty. Aıǵaqty zattar tárkilenip alyndy.
Atalǵan is boıynsha Qazaqstan Respýblıkasynyń Qylmystyq Kodeksiniń 188-baby 3-bóligi (Turǵyn, qyzmettik nemese óndiristik úı-jaıǵa, qoımaǵa ne kólik quralyna zańsyz kirýmen jasalǵan urlyq) boıynsha sotqa deıingi tergep-tekserý amaldary júrgizilýde. Polıseıler ustalǵan azamatshanyń osyǵan uqsas basqa qylmystarǵa qatysy baryn anyqtaýda. Eger kúdiktiniń kinási dáleldense, sot sheshimimen múlki tárkilenip, eki jyldan jeti jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanýy múmkin.