Ýaqytsha shekteý 1 qarashadan 14 qarashaǵa deıin sozylady.
Elshiliktiń baspasóz qyzmetiniń aqparatyna saı, konsýldyq bólim azamattardy jeke qabyldaýdy ýaqytsha toqtata turady.
«Máskeý qalasyndaǵy jaǵdaıdyń nasharlaýyna baılanysty COVID-19 koronavırýstyq ınfeksıasynyń taralýy jáne barlyq kelýshilerdiń densaýlyǵy úshin qaýipsizdikti qamtamasyz etý maqsatynda 2021 jylǵy 1 men 14 qarasha aralyǵyndaǵy kezeńde Máskeýdegi Qazaqstan Respýblıkasy Elshiliginiń Konsýldyq bólimi barlyq konsýldyq jáne memlekettik qyzmetter boıynsha azamattardy jeke qabyldaýdy ýaqytsha toqtata turady», - delingen elshilik taratqan habarlamada.
Kelýshilerdi qabyldaýdy qaıta bastaý kúni týraly RF-daǵy QR Elshiliginiń ınternet-resýrstary arqyly qosymsha habarlanatyn bolady.