Elimizdiń ońtústiginde jańbyr jaýady
Sınoptıkter Qazaqstanda 2023 jylǵy 7-9 naýryzǵa arnalǵan aýa raıy boljamyn usyndy. Elimizdiń basym bóliginde jaýyn-shashyn jaýady, dep habarlaıdy Almaty-akshamy.kz.
"Qazgıdromet" RMK usynǵan málimet boıynsha, Qazaqstan aýmaǵymen batystan shyǵysqa qaraı Atlant sıklony jyljıdy.
Sınoptıkterdiń boljaýynsha, qar men jańbyr túrindegi qatty jaýyn-shashyn, burqasyn, ekpindi jel jáne kóktaıǵaq bolady, elimizdiń ońtústiginde jańbyr jaýady.
Búkil kezeń boıy shyǵysta, 7 naýryzda soltústik-batysta, soltústikte, ortalyqta, 8 naýryzda ońtústikte, 8-9 naýryzda elimizdiń ońtústik-shyǵysynda qatty jaýyn-shashyn (jańbyr, qar) boljanady. Tek 8-9 naýryzda batysta, 9 naýryzda elimizdiń ortalyǵynda jaýyn-shashyn toqtaıdy.
Respýblıka boıynsha tuman kútiledi.
Apta aıaǵynda elimizdiń soltústik, ortalyq, shyǵys óńirlerinde túngi ýaqytta temperatýralyq fon 7-17 aıazǵa deıin, ońtústik óńirlerde túnde 5 gradýs aıaz - 5 gradýs jylyǵa deıin, kúndiz 5-12 gradýs jylyǵa deıin tómendeýi boljandy.