Qazaqstanda qazir koronavırýstyń "omıkron" shtamy basym, sondaı-aq "delta" shtamy men "Ýhan" shtamy anyqtalyp jatyr.
QR DSM sanıtarlyq-epıdemıologıalyq baqylaý komıtetiniń resmı ókili Erjan Baıtanaevtyń aıtýynsha, Qazaqstanda "stels-omıkron" shtamy joq, dep habarlaıdy Almaty-akshamy.kz.
Komıtet ókili elde "stels-omıkron" shtamy paıda bolsa, odan tek vaksınalaý jáne revaksınalaý arqyly ǵana qorǵanýǵa bolady deıdi.
«Qazir Qytaıda jáne basqa kórshi elderde aınalymda júrgen "stels-omıkron" shtamy bizde tirkelmegen», - dedi Baıtanaev.
"Stels-omıkron" qazir COVID-19 ınfeksıasynyń eń juqpaly túri sanalady.
Jańa shtamǵa baılanysty Qytaıdyń Shanhaı qalasynda belgisiz merzimge deıin tolyq lokdaýn engizildi – adamdarǵa úıden shyǵýǵa tyıym salynǵan, al qalaǵa koronavırýsqa jappaı testileý júrgizý úshin myńdaǵan medısına qyzmetkeri jiberildi.