Servıs pasıentterge qaǵaz qujatyn usynbaı, jazylǵan resept boıynsha dárilik zattardy alýǵa múmkindik beredi.
Bul dári-dármekterdi alý prosesin edáýir jeńildetti jáne júıeniń ashyqtyǵyn arttyrdy, dep habarlaıdy aqshamnews.kz
Densaýlyq saqtaý mınıstrligi medısınalyq qyzmetterdi sıfrlandyrý sheńberinde pasıentterge eGov mobile mobıldik qosymshasynda QR-kod arqyly resept boıynsha dári-dármek alýǵa múmkindik beretin jańa servısti iske qosty.
Pasıentti sáıkestendirý QR-kod arqyly júzege asyrylady, bul prosestiń ashyqtyǵyn qamtamasyz etedi jáne qosyp jazý jaǵdaılaryn azaıtady. Dárihanalar óz kezeginde reseptterdi tezirek jáne dálirek óńdeıdi, bul tutynýshylarǵa qyzmet kórsetý sapasyna oń áser etedi jáne kútý ýaqytyn qysqartady.
Servıs iske qosylǵan sátten bastap 6,5 myń azamat QR-kodty sáıkestendirý arqyly dárilik zattardy aldy.
E-Densaulyq-ta QR-kod arqyly dárilik preparattardy alýdyń qadamdyq algorıtmi
Dárigerge barý:
Dáriger DQAJ júıesinde elektrondyq resept jazady.
Qosymshada resest pen QR-kodty alý:
EGov mobile qosymshasyndaǵy e-Densaulyq qyzmetinde "Reseptter – ambýlatorıalyq dári-dármekpen qamtamasyz etý" bólimine ótip, ár resept úshin QR-kodyn alyńyz.
Dárihanada dári-dármek alý:
Farmasevt QR-kodty skanerleıdi jáne resept boıynsha dári-dármek beredi.