«65 mln teńgeden astam qarajat jymqyrǵan»: Shymkentte kıberqylmystyq top 3 jyldan 4 jylǵa deıin bas bostandyǵynan aıyryldy.
Tergeý amaldary ınternet alaıaqtardyń qurbany bolǵan qala turǵynynyń aryzynan bastaldy. Banktiń jalǵan qyzmetkerlerine sengen azamat 4 mln teńgesinen aıyrylǵan, dep habarlaıdy Almaty-akshamy.kz Azattyq Ruhy.-na silteme jasap.
«Bankırler» belgisiz nómirden qońyraý shalyp, onyń qarjysyna qol suǵý yqtımaldyǵy týraly habarlap, aqshasyn saqtap qalý úshin telefon arqyly birneshe onlaın operasıalardy oryndaýyn surady.
Osylaısha, qala turǵyny eki nesıe rásimdep, olardy “qaýipsiz” shottarǵa aýdarǵan. Tergeýshiler atalǵan jaıtty QR QK-niń 190-baby (Alaıaqtyq) boıynsha tirkedi. İzdestirý sharalaryna qalalyq polısıa departamentiniń kıberqylmyspen kúres jónindegi arnaıy toby jumyldyryldy. Atqarylǵan birqatar jedel jumystar kúdiktilerdiń izine túsýge múmkindik berdi.
Qylmysty búkil el boıynsha áreket etken alaıaq top jasaǵany belgili boldy. Shymkenttik 6 turǵyn jarty jylda 27 qazaqstandyqtyń 65 mln teńgeden astam qarajatyn qoldy etken. Zardap shekkenderdiń arasynda Astana, Almaty, Petropavl, Kókshetaý,Oral, Qaraǵandy jáne basqa da aımaqtardyń turǵyndary bar.
Polıseıler qylmystyq toptyń 4 múshesin megapolıs pen Túrkistan oblysynyń aýmaǵynda ustasa, qalǵan 2-ýi halyqaralyq izdeý nátıjesinde Reseıden tabyldy. Tergeý barysynda olardyń árqaısysynyń óz mindeti bolǵany anyqtaldy.
Bireýi kóshbasshy rólin atqardy jáne tapsyrmalar berip otyrǵan, basqalary “dropperlerdi” tapsa, al qalǵany túsken qarajatty bankomattardan sheship alýmen aınalysqan. Polısıa qylmystyq istiń tomdaryn barlyq dáleldermen sotqa jiberdi. Sot úkimimen alaıaqtar úsh jyldan tórt jylǵa deıin bas bostandyǵynan aıyryldy.