Ol 189 ret jol erejesin buzǵan.
Osynsha ret tártip buzǵan júrgizýshige 6,5 mıllıon teńgeden astam aıyppul salynǵan, dep habarlaıdy Almaty-akshamy.kz Polisia.kz-ke silteme jasap.
Ákimshilik aıyppuldary tólenbegen kólik tizginin ustaǵan júrgizýshilerdi anyqtaýmen aınalysatyn jergilikti polısıa qyzmetiniń qyzmetkerleri jalǵan memlekettik nómirleri bar Zeekr avtokóligin toqtatty.
"Atalǵan kólik Abaı dańǵyly men Ótegen batyr kóshesiniń qıylysynda toqtatyldy. Aıyppul boıynsha bereshek somasy 6 mıllıon 696 myń teńgeni qurady. Bul negizinen jyldamdyqty asyrý, qoǵamdyq kólik jolaǵyna shyǵyp ketý jáne belgileý erejelerin buzý saldarynan jınalǵan aıyppul. Kólik mamandandyrylǵan aıyppul turaǵyna qoıyldy", – dedi Almaty qalalyq PD JPQB bastyǵynyń orynbasary Tımýr Noǵaıbaev.
Polıseıler azamattarǵa jol qozǵalysy erejesin buzǵany úshin ákimshilik aıyppuldardy der kezinde tólep, jol qozǵalysy erejelerin qatań saqtaýdy usynady.