Lıvıa jaǵalaýynda keme apatqa ushyrap, kem degende 61 adam qaza tapty, dep habarlaıdy almaty-akshamy.kz TASS agenttigine silteme jasap.
Halyqaralyq kóshi-qon uıymynyń Lıvıadaǵy bólimshesi bul týraly X áleýmettik jelisinde jazǵan.
«Lıvıa jaǵalaýyndaǵy qaıǵyly keme apatynan keıin 61 mıgrant, sonyń ishinde áıelder men balalar qaza tapty», - delingen habarlamada.
Sýǵa batyp ketken keme jolaýshylarynyń kóbi Nıgerıa, Gambıa jáne Afrıka elderiniń azamattary bolǵan. Halyqaralyq kóshi-qon uıymynyń ókilderi aman qalǵandarǵa medısınalyq kómek kórsetip, 25 adam Trıpolı mańyndaǵy saýyqtyrý ortalyǵyna jiberildi.