Olarǵa qosa sozylmaly aýrýy bar naýqastar da «úı rejımin» saqtaýy tıis.
Reseıde koronavırýs indetinen bolatyn ólim-jitimniń kúrt ósýine baılanysty jumys istemeıtin apta jarıalandy. Budan buryn 30 qazan – 7 qarasha aralyǵynda lokdaýn jarıalanǵanyn jazǵanbyz. Búgingi aqparat boıynsha, demalys 28 qazannan bastalatyn boldy.
Jappaı demalys kezinde tek dárihana men azyq-túlik dúkenderi ǵana ashyq bolady. Balabaqshalar men mektepterge de demalys. Qosymsha bilim berý uıymdary men úıirmeler de jumysyn toqtatady. Joǵarǵy oqý oryndary qashyqtan oqytý júıesinde jumys isteıdi.
Máskeý meri vaksınalanbaǵandar úshin «úı rejımin» engizý týraly jarıalady. 60 jastan asqan máskeýlikter, sondaı-aq sozylmaly aýrýlarmen aýyratyndar osy jyldyń 25 qazanynan 2022 jyldyń 25 aqpanyna deıin úıde bolýy kerek. Bul talaptyń sońǵy alty aıda koronavırýspen aýyrǵandarǵa jáne vaksına alǵandarǵa qatysy joq.