Onyń ishinde 6,6%-y semizdikpen aýyrady.
QR Densaýlyq saqtaý mınıstri Ajar Ǵınıattyń málimetinshe, qant dıabetimen syrqattanýshylyq 62%-ǵa ósken, dep habarlaıdy Almaty-akshamy.kz
«Qazaqstanda sozylmaly ınfeksıalyq emes aýrýlar aýyrtpalyǵynyń ósýi densaýlyq saqtaý júıesine de, jalpy el ekonomıkasyna da júktemeniń ulǵaıýyna yqpal etedi. Qazaqstandaǵy barlyq ólim-jitimniń 84%-ǵa jýyǵynyń sebebi ınfeksıalyq emes aýrýlar bolyp otyr. Sońǵy zertteý derekteri boıynsha júrek-tamyr aýrýlary, qant dıabeti, sozylmaly respıratorlyq jáne qaterli isik aýrýlary sıaqty ınfeksıalyq emes aýrýlardyń tórt negizgi tobynan mezgilsiz qaıtys bolý yqtımaldyǵy er adamdarda áıeldermen salystyrǵanda 27% jıi kezdesedi», - dedi mınıstr.
Vedomstvo basshysy 6-9 jastaǵy balalardyń arasynda artyq dene salmaǵyna shaldyqqandardyń úlesi 20,6% bolǵanyn atap ótti.
«Onyń ishinde balalardyń 6,6%-y semizdikpen aýyrady. Qant dıabetimen syrqattanýshylyqtyń 62%-ǵa óskeni baıqalady. Dúnıejúzilik densaýlyq saqtaý uıymynyń 2017 jylǵy baǵalaýy boıynsha ınfeksıalyq emes aýrýlardyń 4 negizgi tobyn emdeýge 300 mlrd teńgeden astam qarajat jumsalǵan. Eńbek ónimdiliginiń tómendeýine baılanysty ekonomıkaǵa jumsalǵatyn shyǵyndar densaýlyq saqtaýǵa jumsalatyn memlekettik shyǵyndardan 6,5 ese asyp túsedi jáne jylyna 2 trln teńge boldy. Jalpy, Qazaqstan ekonomıkasyna ınfeksıalyq emes aýrýlar keltiriletin aǵymdaǵy zalal jylyna 2,3 trln teńgeni quraıdy. Bul eldiń jyldyq jalpy ishki ónimniń 4,5%-na teń», - dedi Ajar Ǵınıat.