Bul suraqqa Sıfrlyq damý, ınovasıalar jáne aeroǵarysh ónerkásibi vıse-mınıstri Asqat Orazbek jaýap berdi.
5G jelisimen Nur-Sultan, Almaty, Shymkent jáne barlyq oblys ortalyqtaryn qamtý josparlanyp otyr, dep habarlaıdy Almaty-akshamy.kz
«Bıyl 5G radıojıilikteri boıynsha aýksıon ótkizýdi josparlap otyrmyz. Respýblıkalyq mańyzy bar úsh qalada jáne barlyq oblys ortalyqtarynda aýksıon ótkizemiz. Operatorlarmen aýksıonǵa daıyndyq jumystaryn júrgizip jatyrmyz, sıpattamalar men mindettemeler ázirlenip jatyr. Jaqyn arada kelisim júrgizilip, jumysty bastaımyz», - dedi Asqat Orazbek.
Ol tórt qalada - Nur-Sultan, Almaty, Shymkent jáne Túrkistanda 5G pılottyq jumysy bastalǵanyn jáne jumys istep turǵanyn aıtty.
«5G engizý trafıkti tutynýdyń kúrt ósýine, «Indýstrıa 4.0», IT, «smart úıler» damýyna ákeletinin túsinemiz. Árıne, bul qajet trend. Muny operatorlarmen birlesip jasaımyz. Qalaı jasaý kerek ekenin bilemiz. Meniń oıymsha, aldaǵy eki jylda elimizdiń barlyq aýmaǵynda halyq 5G ilgerilegenin sezedi», - dep qosty vıse-mınıstr.