Sottalǵandar dıplom alǵannan keıin kolonıa aýmaǵyndaǵy kásiporyndarǵa jumysqa ornalasady
Soltústik Qazaqstan oblysynda jazasyn ótep jatqan 100-den astam sottalǵan búgin kolejdi támamdap, qoldaryna dıplom aldy, dep habarlaıdy Almaty-akshamy.kz QazAqparatqa silteme jasap.
SQO boıynsha qylmystyq-atqarý júıesi departamenti baspasóz qyzmetiniń málimetinshe, ES-164/6 mekemesinde jazasyn ótep jatqan áıelder Petropavl kásiptik kolejinde, Soltústik Qazaqstan jeke daıarlaý jáne servıs kolejiniń fılıaldarynda jańa mamandyq meńgerýge múmkindik alǵan.
Sottalǵandar dıplom alǵannan keıin kolonıa aýmaǵyndaǵy kásiporyndarǵa jumysqa ornalasady.
Eńbek naryǵynda suranysqa ıe mamandyqty meńgergen olar bostandyqqa shyqqannan keıin de qıyndyqsyz eńbekke aralasa alady.
Máselen, áıelder kolonıasynda «tiginshi» mamandyǵy boıynsha bilim alǵan sottalǵan Natalá jazasyn ótep shyqqannan keıin Petropavldyń ortalyǵynda tigin sehyn ashty.
Qazir onda buryn sottalǵan 10-nan astam áıel jumys istep jatyr.
Bul kúni 57 jastaǵy Marıaǵa arnaıy orta bilim týraly dıplom berildi. Ol - osy jyldyń eń jasy úlken túlegi.
«Byltyr urlyq úshin 3,5 jylǵa sottaldym. Bostandyqta júrgende bilimdi qajet etpeıtin jumysta júrdim. Sondyqtan men bilim alý týraly oılanbadym da. Munda kelip, oqýǵa, bilim alýǵa ýaqyt keldi dep sheshtim. «Tiginshi» mamandyǵyn meńgerdim. Bilim alý eshqashan kesh emes», - deıdi Marıa.
SQO boıynsha QAJD ES-164/3 jáne 6 mekemelerinde sottalǵandardy tas qalaýshy, qaptaýshy, sylaqshy-syrlaýshy, dánekerleýshi, tiginshi, qurylys jáne árleý jumystarynyń sheberleri, shashtaraz-modeler, landshaftyq dızaıner jáne basqa suranysqa ıe mamandyqtar boıynsha oqytady.
Búgin 100-den astam sottalǵan, 57 áıel, 64 er adam saltanatty jaǵdaıda orta arnaıy bilim týraly memlekettik úlgidegi dıplom aldy.
Sońǵy 5 jylda Petropavl kásiptik kolejin ǵana 650-den astam sottalǵan bitirip shyqty.