5000-nan astam Almaty turǵyndary memlekettik jáne shetel tilderin tegin úırenýge baǵyttalǵan «Tilder parki» áleýmettik jobasyna qatysyp jatyr, dep habarlaıdy aqshamnews.kz
Joba Almaty qalasynyń Jastar saıasaty basqarmasynyń qoldaýymen júzege asyrylyp, qalanyń barlyq aýdanyn qamtıdy. Onyń basty ereksheligi – kýrstardyń ashyq aspan astynda ótkizilýi. Joba aıasynda sondaı-aq, sóılesý klýbtary men tildik almasý uıymdastyrylyp, qatysýshylardyń alǵan bilimin tájirıbede qoldanýyna jáne sóıleý daǵdysyn jaqsartýǵa yqpal etedi.
Munda qazaq, aǵylshyn, qytaı, koreı, japon, fransýz, túrik jáne orys tilderi boıynsha kýrstar usynylady. Sabaq jazǵy maýsymda aptasyna 3 ret ótkizilip, 6-dan 60 jasqa deıingi barlyq jastaǵy qatysýshyǵa arnalǵan. Kýrsty aıaqtaǵan soń sertıfıkat beriledi.
Qyrkúıek aıynyń ortasynan bastap kúzgi-qysqy kezeńge ótýge baılanysty tilderdi oqytý komúnıtı ortalyqtardyń ǵımarattarynda jalǵasýda. Kesteni aýdanyńyzdaǵy komúnıtı-ortalyqtan nemese Call-ortalyqtyń +7 747 821 6478 nómiri arqyly bilýge bolady.