Jalǵan aqparat taratý zańmen jazalanady.
Mınıstrlik alaıaqtar týraly eskertti, dep habarlaıdy Almaty-akshamy.kz
Bul týraly QR Eńbek jáne halyqty áleýmettik qorǵaý mınıstrligi aıtty.
1949-1998 jyldar aralyǵynda týǵan Qazaqstan azamattaryna osy jyldyń 26 maýsymynan bastap belgisiz áleýmettik qordan 50 000 teńge aýdarylatyny týraly áleýmettik jeliler men messendjerlerde taratylyp jatqan aqparat shyndyqqa janaspaıdy. Qarajatty aýdarý úshin belgisiz adamdar siltemege ótýdi usynady.
“Áleýmettik kómektiń mundaı túri joq ekenin habarlaımyz. Tıisinshe, habarlamada kórsetilgen silteme alaıaqtar úshin azamattardyń jeke derekterin alý tásili bolýy múmkin. Alaıaqtarmen ózara árekettesýdi boldyrmaý úshin siltemege ótpeýge keńes beremiz,”-dedi mınıstrlik baspasóz qyzmeti.
Memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylady.