Memleket basshysynyń tapsyrmasyn oryndaý maqsatynda Sybaılas jemqorlyqqa qarsy is-qımyl agenttigi qoǵamda zańdylyq pen tártip qaǵıdatyn qamtamasyz etý, sondaı-aq sybaılas jemqorlyq faktileriniń jolyn kesý jónindegi jumysty jalǵastyrýda.
Batys Qazaqstan oblysynyń qylmystyq ister jónindegi mamandandyrylǵan aýdanaralyq soty Almaty qalasynyń turǵyny E. Baıqojaǵa qatysty úkim shyǵardy, dep habarlaıdy aqshamnews.kz.
Ol «Chapaev – Jańaqala – Saıhın» avtojolyn kúrdeli jóndeý jónindegi sharttyń jalpy somasynyń 30% mólsherinde aldyn ala tólem jasaǵany úshin oblys ákimdiginiń laýazymdy adamdaryna 50 mln teńge somasynda alaıaqtyq jasaǵany jáne kásipkerdi para berýge ıtermelegeni úshin kináli dep tanyldy.
Oǵan memlekettik qyzmette jáne kvazımemlekettik sektor sýbektilerinde laýazymǵa ornalasýǵa ómir boıyna tyıym sala otyryp, 11 jyl merzimge bas bostandyǵynan aıyrý túrindegi jaza taǵaıyndaldy.
Sot aktisi zańdy kúshine engen joq. Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.