Jambyl oblysynyń eks-ákimi Berdibek Saparbaev qaıtys boldy.
Qaraly habardy Májilis depýtaty Murat Ábenov jetkizdi, dep habarlaıdy Almaty-akshamy.kz
«Syr elinde dúnıege kelip, qazaqtyń keń dalasyna adal eńbegimen tanylǵan, memleketshil, eljandy tulǵa, erekshe qurmet tutatyn aǵamyz, ómirlik ustazymyz - Berdibek Mashbekuly Saparbaev qaıtys bolypty. Alla aldynan jarylqasyn! Imany joldasy bolsyn!», - dep jazdy ol áleýmettik jelide.
Berdibek Mashbekuly 1953 jyly 9 aqpanda Qyzylorda oblysy Jańaqorǵan aýdanynyń Besaryq aýylynda týǵan.
1977 jyly Almaty Halyq sharýashylyǵy ınstıtýtyn «Ekonomıka jáne materıaldyq-tehnıkalyq jabdyqtaý» mamandyǵy boıynsha bitirdi.
Ekonomıka ǵylymdarynyń doktory, profesor.
Eńbek jolyn Qyzylorda oblysynyń Zadarınskıı sovhozynyń jumysshysynan bastady (1969-1971 jyldary); áskerı qyzmetin ótkerdi (1971-1973 jyldary).
Instıtýtty bitirisimen Respýblıkalyq memlekettik eńbek jınaqtaý kasalary (gostrýdsberkassy) basqarmasynda ekonomıs (1977); QazKSR Qarjy mınıstrliginde ekonomıs, aǵa ekonomıs, jetekshi, bas ekonomıs, bólim bastyǵynyń orynbasary (1977-1988 jyldary); josparlaý-qarjy basqarmasynyń bastyǵy, Bas ekonomıka basqarmasynyń bastyǵy, Qazaqstan Respýblıkasy Bilim mınıstriniń orynbasary (1988-1993 jyldary); Prezıdent Apparaty bólimi men Qazaqstan Respýblıkasy Mınıstrleri kabıneti meńgerýshisiniń orynbasary (1993); Qazaqstan Respýblıkasy Mınıstrler kabıneti İster basqarmasynyń Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi (1994-1995 jyldary) boldy.
Qazaqstan Respýblıkasy Mınıstrler kabıneti Apparatynyń basshysy (1995); Qyzylorda oblysynyń ákimi (1995-1999 jyldary); Ońtústik Qazaqstan oblysynyń ákimi (1999-2002 jyldary) qyzmetterin atqardy; Qazaqstan Respýblıkasy Kedendik baqylaý agenttiginiń tóraǵasy, Qazaqstan Respýblıkasy Qarjy vıse-mınıstri - Kedendik baqylaý komıtetiniń tóraǵasy (2002-2006); Premer-Mınıstr Keńsesi basshysynyń orynbasary - Qazaqstan Respýblıkasy Parlamentindegi Úkimettiń Ókili (2006-2007); Qazaqstan Respýblıkasynyń Ekonomıka jáne búdjettik josparlaý vıse-mınıstri (2007 jyly aqpan - 27 tamyz).
2007 jyldyń tamyzynan Qazaqstan Respýblıkasynyń Eńbek jáne halyqty áleýmettik qorǵaý mınıstri.
2009-2014 jyldary - Shyǵys Qazaqstan oblysynyń ákimi. 2014-2015 jyldary – Qazaqstan Respýblıkasy Premer-Mınıstriniń orynbasary.
2015-2019 jyldary – Aqtóbe oblysynyń ákimi.
2019 jyldyń aqpan-tamyz aılarynda Qazaqstan Respýblıkasynyń Eńbek jáne halyqty áleýmettik qorǵaý mınıstri boldy.
2019-2020 j. j. – Qazaqstan Respýblıkasy Premer-mınıstriniń orynbasary.
2020-2022 jyldary Jambyl oblysynyń ákimi boldy.
«Qurmet» (1999), «Parasat» (2007) ordenderimen, «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Respýblıkasynyń Konstıtýsıasyna 10 jyl» (2005) medaldarymen marapattalǵan.
Berdibek Saparbaev 2022 jyldyń tamyzynan beri QazBioPharm ulttyq holdıńiniń dırektorlar keńesiniń tóraǵasy qyzmetin atqardy.