Jel, shańdy daýyl, tuman
Sınoptıkter Qazaqstandaǵy 5 mamyr kúnge arnalǵan aýa raıy boljamyn usyndy, dep habarlaıdy Almaty-akshamy.kz.
"Qazgıdromet" RMK málimetinshe, aýqymdy antısıklon yqpalynan respýblıkanyń basym bóliginde aýa raıy jaýyn-shashynsyz bolady. Elimizdiń batysynda, ońtústik-batysynda frontaldy belsendiliktiń ótýimen kún kúrkirep, keıde qatty jańbyr jaýady, ońtústik-shyǵysta jáne shyǵysta jaýyn-shashyn (jańbyr, qar) jaýady.
Respýblıka boıynsha jel kúsheıip, shańdy daýyl soǵady. Ońtústik-batysty tuman basady.
"Túnde Almaty, Jetisý oblystarynda, Ulytaýdyń shyǵysynda, Jambyl oblystarynyń taýly aımaqtarynda, Aqtóbeniń soltústiginde, Qostanaı oblystarynyń ońtústik-shyǵysynda, topyraq betinde 1-6 gradýs aıaz bolady", - delingen habarlamada.
Túrkistan oblysynyń soltústiginde, batysynda, taýly jáne taý bókterindegi aýdandarynda jel 15-20, ekpini 23-28, taýly aımaqtarda 30 m/s jáne odan da kóp kúsheıedi.
Astanada kóshpeli bult shyǵady, jaýyn-shashynsyz. Jel ekpini sekýndyna 2-7 metr bolady. Aýa temperatýrasy túnde 0,-2°S, kúndiz +20+22°S.
Almatyda kóshpeli bult shyǵady, jaýyn-shashynsyz. Soltústik-shyǵystan ekpini sekýndyna 2-7 metr jel soǵady. Aýa temperatýrasy túnde 0,+2°S, topyraq betinde -1-3° aıaz, kúndiz +12+14°S.
Shymkentte kóshpeli bult shyǵady, jaýyn-shashynsyz. Shyǵystan soǵatyn jeldiń kúshi sekýndyna 8-13, 15-20, kúndiz 25 metr bolady. Aýa temperatýrasy túnde +7+9°S, kúndiz +21+23°S.