“Halyk” qorynyń qoldaýymen HALYK “OPEN CUP – 2024” respýblıkalyq týrnıri ótti. Týrnırge Qazaqstannyń túkpir-túkpirinen 32 komanda qatysty, dep habarlaıdy aqshamnews.kz.
“Halyk” qaıyrymdylyq qorynyń demeýshiligimen ótken týrnır chempıony ataǵyn Mańǵystaý oblysynan kelgen "Namys-Qyzyl tóbe" komandasy jeńip aldy. Komandanyń jattyqtyrýshysy Perdebek Qashqambaev týrnırdiń "Úzdik jattyqtyrýshysy" ataǵyn ıelense, al Abzal Baımuhan "Úzdik oıynshy" atandy.
Týrnırdiń jeńimpazdary men júldegerlerine kýboktar, medaldar jáne baǵaly syılyqtar, atap aıtqanda fýtbol formalary, jattyǵý kıimderi, doptar jáne balalarǵa arnalǵan kitaptar tabystaldy.
Bul joba "Halyk" qaıyrymdylyq qorynyń elimizdiń túkpir-túkpirindegi muqtaj jandardy qoldaýǵa jáne halyqtyń ómir súrý jaǵdaıyn jaqsartýǵa baǵyttalǵan jobalarynyń biri. Qor aýyldaǵy sportty damytýǵa osyǵan deıin 500 mıllıonǵa jýyq qarjy bóldi.
Sondaı-aq, 2016 jyly Tımýr Qulybaevtyń jetekshiligimen qurylǵan Halyk qory osyǵan deıin 120-dan astam áleýmettik jobany júzege asyryp, 85 mıllıard teńgege kómek kórsetti.
Aıta ketý kerek bul aýqymdy jumystar Halyk qaıyrymdylyq qory men joba avtory Mámbetov Serik Bolatuly arasyndaǵy memorandým aıasynda atqarylyp otyr.