Olar adamdardy nesıe tarıhyn túzep beremiz dep aldaǵan.
Tergeý barysynda aıǵaq zattar retinde 16 telefon, birneshe qoldanylǵan SIM-kartalar, Roýter qurylǵysy jáne 3,5 mln teńge kóleminde aqsha tárkilengen, dep habarlaıdy aqshamnews.kz
“IT-TERGEU” jobasy aıasynda Qyzylorda oblysynyń polısıa qyzmetkerleri respýblıka kóleminde ınternet alaıaqtyqpen aınalysyp, jábirlenýshilerge asa iri mólsherde zıan keltirgen, Batys Qazaqstan oblysynda ornalasqan qylmystyq topty ustaǵan.
Tergeý barysynda aıǵaq zattar retinde 16 telefon, birneshe qoldanylǵan SIM-kartalar, Roýter qurylǵysy jáne 3,5 mln teńge kóleminde aqsha tárkilengen.
Kúdiktiler Qyzylorda oblysynyń áleýmettik jeli paıdalanýshylaryna “nesıe tarıhyn jańǵyrtyp, aqsha alýǵa arnalǵan baǵdarlama jasaımyz” degen jalǵan aqparat taratyp, ózderiniń ınternettegi IP-mekenjaılaryn jáne banktik esepshottaryn búrkemelep, jábirlenýshilerden jalpy somasy 45 mln teńge qarajatty alaıaqtyq jolmen jymqyrǵan dep aıyptalyp otyr.
Sottyń sheshimimen kúdiktilerge eki aı merzimge “kúzetpen ustaý” bultartpaý sharasy taǵaıyndalǵan.
Qylmystyq is boıynsha qajetti tergeý amaldary jalǵasyp jatyr.