Polısıa qyzmetkerleri Qyzyl kitapqa engen qusty satýǵa shyǵarǵan habarlandyrý avtoryn anyqtady.
Jas jigittiń aıtýynsha, ol qusty daladan taýyp alǵan, dep habarlaıdy aqshamnews.kz Polisia.kz-ke silteme jasap.
Qaraǵandy oblysynda jasóspirim Qyzyl kitapqa engen qusty ınternet arqyly satýǵa tyrysqan. Áleýmettik jelilerdi qaraý kezinde Qaraǵandy oblysy Osakarov aýdanynyń polısıa bóliminiń qyzmetkerleri Qyzyl kitapqa engen dala búrkitin 400 myń teńgege satý týraly habarlandyrýdy anyqtady. Polısıa qyzmetkerleri habarlandyrý avtoryn, ıaǵnı 17 jastaǵy turǵyndy anyqtady. Jas jigittiń aıtýynsha, ol qusty daladan taýyp alǵan jáne onyń joıylyp ketý qaýipi sanatyna jatatynyn bilmegen. Ol ınternet-resýrstardaǵy baǵalardy kórip, habarlandyrý jarıalady. Ósimdikter men janýarlardyń sırek kezdesetin jáne joıylyp ketý qaýipi tóngen túrlerine zańsyz qaraý faktisi boıynsha qylmystyq is qozǵaldy. Mán-jaıy anyqtalǵanǵa deıin dala búrkiti Qaraǵandy qalasynyń haıýanattar baǵyna ýaqytsha saqtaýǵa berildi.