Sınoptıkter eskertý jarıalady
7 tamyzda aýa raıynyń buzylýyna baılanysty 3 óńirde eskertý jarıalandy, dep habarlaıdy Almaty-akshamy.kz.
Dálirek:
Nur-Sultan qalasynda kún kúrkirep, jeldiń kúshi 20 m/s deıin kúsheıedi.
Aqmola oblysynyń soltústiginde kúndiz qatty jańbyr kútiledi. Óńirdiń soltústiginde, ońtústigi men shyǵysynda naızaǵaı oınap, kúndiz burshaq jaýady. Soltústik-shyǵystan jel soǵady, kúndiz oblystyń soltústiginde, ońtústigi men shyǵysynda ekpini 15-20 m/s artady. Kókshetaý qalasynda keı ýaqytta qatty jańbyr jaýyp, naızaǵaı, burshaq bolady.
Qyzylorda oblysynda soltústik-shyǵystan jel soǵady, kúndiz oblystyń ortalyǵynda 15-20 m/s ekpinde jel turady. Óńirdiń basym bóliginde tótenshe órt qaýpi saqtalady. Qyzylorda qalasynda tótenshe órt qaýpi saqtalady. Kúndiz Pavlodar oblysynyń soltústiginde naızaǵaı oınap, burshaq jaýady. Soltústik-batystan jel soǵady, naızaǵaı kezinde ekpini 15-20 m/s artady.
Pavlodar qalasynda kúndiz naızaǵaı oınap, soltústik-batystan jel soǵady, naızaǵaı kezinde ekpini 15-20 m/s kúsheıetini kútiledi.