2024 jyldyń birinshi jartyjyldyǵynda jumys berýshiler 3 mln 926,5 myń jumyskerdiń paıdasyna 98,4 mlrd teńge somasyna mindetti zeınetaqy jarnalaryn aýdardy.
Buǵan deıin habarlanǵandaı, 2024 jylǵy 1 qańtardan bastap Qazaqstanda óz jumyskerleriniń paıdasyna óz qarajaty esebinen jumys berýshiniń mindetti zeınetaqy jarnalaryn kezeń-kezeńimen, bıyl 1,5 %-dan 2028 jylǵa qaraı 5%-ǵa deıin engizý bastaldy, dep habarlaıdy aqshamnews.kz.
Jumys berýshilerdiń JMZJ aýdarýy jumyskerlerdi qartaıǵan shaǵynda ómir boıy qosymsha jınaqtaýshy zeınetaqy tólemimen qamtamasyz etýge múmkindik beredi.
Atalǵan shara qazaqstandyqtardyń jas urpaǵyn qoldaýǵa baǵyttalǵan, olardyń zeınetaqy mólsheri olardyń zeınetaqy aýdarymdaryna tikeleı baılanysty bolady. Olardyń zeınetaqysy úsh komponentten quralady: memleketten bazalyq zeınetaqy, Biryńǵaı jınaqtaýshy zeınetaqy qoryndaǵy aýdarymdar esebinen – jınaqtaýshy jumys berýshilerdiń jarnalary esebinen – zeınetaqy jáne shartty-jınaqtaýshy zeınetaqy.
JMZJ tóleýdi jumys berýshiler 1975 jylǵy 1 qańtardan keıin týylǵan adamdar úshin ǵana júzege asyrady.
QR Salyq kodeksine sáıkes JMZJ tóleý boıynsha jumys berýshiniń shyǵystary salyq salynatyn tabystan shegerimge jatqyzylǵanyn atap ótý qajet. Tıisinshe, jumys berýshige júkteme qolaıly deńgeıde qalady.