BJZQ málimetine sáıkes, 264 695 adam «pensıasyn» alýǵa asyǵar emes, dep habarlaıdy aqshamnews.kz
Resmı derekke súıensek, onyń bári zeınetke shyǵyp qoıǵan adamdar. Jasy kelip tursa da, myńdaǵan zeınetker óz jınaǵyn alýǵa áli júginbegen.
«Suraýsyz» jatqan jınaqtardyń jalpy somasy — 37,3 mıllıard teńge!
264 695 adamnyń ishinde:
148 335 adam — qaıtys bolǵan — olardyń jınaǵyn muragerleri ala alady;
59 800 adam — Qazaqstannan birjola kóship ketken;
56 560 adam — zeınetaqy rásimdeý úshin HQKO-ǵa áli júginbegen.
Endi bul aqshalarǵa ne bolady?
Árıne, bul jınaqtar eshqaıda ketpeıdi. Olar ıesiniń jeke shotynda saqtalady jáne ınvestısıalanady. Aqsha qosymsha tabys ákelýi múmkin. Investısıany Ulttyq bank pen jekemenshik basqarýshy kompanıalar júzege asyrady.
Aqshany qalaı alýǵa bolady?
Zeınetker bolsańyz:
turǵylyqty meken-jaı boıynsha HQKO-ǵa (SON) baryp;
zeınetaqyny rásimdep;
BJZQ-dan tólem alýǵa ótinish berýińiz kerek.
Qazaqstannan birjola kóshken bolsa:
BJZQ-da zeınetaqy jınaǵy bar sheteldikter men azamattyǵy joq adamdar zańda kórsetilgen qujattardy tapsyryp, aqshasyn ala alady.
Qaıtys bolǵan jaǵdaıda:
BJZQ marqumnyń jınaǵynan jerleý shyǵyndaryna 94 AEK-ke deıin tólem júrgizedi (biraq shottaǵy naqty qaldyqtan aspaıdy).
Qalǵan qarajat zańǵa saı muragerine beriledi. Ol úshin marqumnyń jaqyny 6 aı ishinde notarıýsqa baryp, muraǵa quqyǵyn rásimdeýi kerek.
Eger 6 aıdy ótkizip alsańyz, muragerlik quqyqty sot arqyly qalpyna keltirýge bolady.
Qajetti qujattar tizimi men ótinish berý joly týraly tolyq aqparatty enpf.kz saıtynan «Qyzmetter — Zeınetaqy tólemderi» bóliminen taba alasyz.