112 myńnan astam medısına mamanynyń bilimi men kásibı daıarlyǵy tekserilmeı praktıkaǵa jiberilgen
Esep komıteti ekonomıkanyń naqty sektoryna aýdıt júrgizý departamenti dırektorynyń orynbasary Nurlan Qatrenov medısına mamandarynyń sertıfıkatsyz jumys istep kelgenin málimdedi, dep habarlaıdy Almaty-akshamy.kz QazAqparatqa silteme jasap.
Aǵymdaǵy jyldyń sáýir aıyna deıin Qazaqstanda jeke jáne memlekettik sektorlarǵa 324 myń medısına mamany tirkelgen. Onyń ishinde dárigerler - 97 myń (30%), orta medısınalyq personal - 227 myń (70%) adam.
«Osy personaldyń ishindegi 36 954 (11%) mamanda klınıkalyq praktıkaǵa ruqsat beretin sertıfıkat bolmaǵan. Onyń 11 myńy dárigerlik, 25 646 myńy orta medısınalyq personal», - dedi Nurlan Qatrenov Esep komıtetiniń otyrysynda.
Onyń aıtýynsha, 112 myńnan astam medısına mamanynyń bilimi men kásibı daıarlyǵy tekserilmeı praktıkaǵa jiberilgen.
Buryn habarlaǵanymyzdaı, elimizde medısına mamandarynyń tapshylyǵy 2 esege artqan. Sonymen qatar 2019-2021 jyldardaǵy aýdıt qorytyndysy boıynsha Esep komıteti 5,8 mlrd teńgeni quraıtyn qarjylyq quqyq buzýshylyqtardy anyqtady. Taǵy 7,5 mlrd teńge boltyn búdjet qarajatynyń tıimsiz paıdalanylǵany týraly derek tirkelgen.