Jaýyn-shashyn kezinde sý basatyn ýchaskeler sanyn azaıtý maqsatynda 52 ýchaskede 34 shaqyrym aryq jelisi aýystyrylyp, jóndeý jumystary jalǵasýda.
Búgingi tańda jalpy uzyndyǵy 7,5 shaqyrym bolatyn 17 ýchaskede jóndeý jumystar aıaqtaldy. Bul týraly qala ákimi Erbolat Dosaevtyń Almaly aýdany turǵyndarymen kezdesýinde aıtty, dep habarlaıdy Almaty-akshamy.kz.
Osy jyldyń qyrkúıek aıynyń sońyna deıin uzyndyǵy 2,7 km bolatyn taǵy 8 ýchaskede jumystardy aıaqtaımyz. Qalǵan 27 ýchaske boıynsha jalpy uzyndyǵy 23,8 km jumysty jalǵastyryp, 2024 jyly aıaqtaımyz. Sońǵy ret mol jaýǵan jaýyn kezinde sý aǵynyna tótep bere almaıtyn qoldanystaǵy aryq jelileriniń qosymsha ýchaskelerin anyqtadyq, sondyqtan jobaǵa tıisti túzetýler engizildi, -dedi qala ákimi.