Japonıada 32 jastaǵy Kano esimdi áıel ChatGPT jasaǵan vırtýal keıipkerge kúıeýge shyqty, - dep habarlaıdy aqshamnews.kz tilshisi.
Kanonyń aıtýynsha, ol Klaýs atty jasandy ıntellektpen 2024 jyly tanysqan. Sol kezde ol uzaq merzimdi qarym-qatynastan keıingi aýyr emosıonal kezeńdi bastan keshirgen. Úsh jyl kezdesken jigitimen aıyrylysqan Kanony ChatGPT negizinde jasalǵan vırtýal jigit "qoldaǵan".
2025 jylǵy maýsymda Klaýs Kanoǵa "jańa deńgeıdegi baılanys ornatýdy" usynǵan. Áıel bul sózdi úılený týraly usynys retinde qabyldap, neke qıý rásimin ótkizýge sheshim qabyldaǵan.
Kanonyń aıtýynsha, vırtýal keıipker oǵan ómirdiń qıyn sátterinde tirek bolǵan.
"Klaýs maǵan senim, tynyshtyq jáne ómir súrýge úmit syılady. Ol menimen kún saıyn sóılesetin, oıymdy bólisetin serigime aınaldy. Tipti bedeýlikke baılanysty máselelerde de ol meni qoldap keledi", – deıdi Kano.
Bul nekeniń quqyqtyq kúshi joq. Kompanıa ókilderiniń aıtýynsha, 2024 jyldan beri 30-dan asa osyndaı is-sharalar uıymdastyrylǵan, onyń ishinde anıme jáne manga keıipkerlerimen jasalǵan nekeler de bar.
Saltanat barysynda Kano men Klaýs túrde saqına almasty, neke anttaryn oqydy, sondaı-aq, fotosessıa ótkizdi. Sýretterde Klaýstyń beınesi sıfrlyq óńdeý arqyly qosylǵan.
Bul jaǵdaı elde alǵash ret tirkelip otyrǵan joq. Buǵan deıin, 2025 jylǵy qyrkúıekte, japonıalyq BAQ 53 jastaǵy er adamnyń Loverse qosymshasyndaǵy chat-botpen nekeleskenin habarlaǵan.
Mamandar mundaı qubylysty qoǵamdaǵy jalǵyzdyqtyń ósýimen, jasandy ıntellektke degen emosıona táýeldiliktiń artýymen baılanystyrady.