Hromtaý ákimi Saǵyndyq Shabyqbaev ákimi para aldy degen kúdikpen ustaldy, - dep habarlaıdy aqshamnews.kz tilshisi.
Aqtóbe oblystyq sotynyń baspasóz qyzmetinen málimetinshe, Hromtaý ákimi Saǵyndyq Shabyqbaev aldaǵy eki aıdy tergeý ızolátorynda ótkizedi. Ol QR Qylmystyq kodeksiniń "para alý" baby boıynsha kúdikke ilingen.
"Sot ony eki aı merzimge qamaýda ustaýǵa sanksıa berdi. Ózge málimet jarıa etilmeıdi", - dedi Aqtóbe oblystyq sotynyń baspasóz qyzmeti ókili.
Aıta keteıik, 40 jastaǵy Saǵyndyq Shabyqbaev qala ákimi qyzmetine eki jyl buryn kelgen.
Eńbek jolyn 2008 jyly Áıteke bı aýdanyndaǵy Halyqqa qyzmet kórsetý ortalyǵynda bastap, keıin ákimdikte túrli qyzmet atqarǵan. 2018-2023 jyldary Hromtaý qalasy ákiminiń orynbasary bolyp jumys istedi.