Qazaqstan qor bırjasy (KASE) 15:30-daǵy jaǵdaı boıynsha dollardyń ortasha saralanǵan baǵamy 0,42 teńgege kóterilip, 446,07 teńge bolǵanyn málimdedi, dep habarlaıdy Almaty-akshamy.kz.
Qytaı ıýaniniń ortasha saralanǵan baǵamy da azdap ósip, 62,35 teńge (+0,10) boldy.
Eýro baǵamyn Ulttyq bank 489 teńge, rúbldi 4,9 teńge dep belgiledi.
Aqsha aıyrbastaý oryndarynda dollar 444-447 teńge, eýro 488,5-492,5 teńge, reseı rýbli 4,81-5,03 teńge aralyǵynda saýdalanyp jatyr.
Al 31 shildedegi saýdada álemdik munaı baǵasy tómendeı tústi.
Nú-Iork taýar bırjasyndaǵy (NYMEX) elektrondy saýdada qyrkúıek aıyndaǵy WTI munaıynyń fúchersteriniń baǵasy 0,45%-ǵa tómendep, barreline 80,22 dollar boldy.
Londonnyń ICE Futures bırjasynda Brent markaly munaıdyń qyrkúıektegi fúchersteri 0,7%-ǵa tómendep, barreline 84,4 dollar boldy. Juma kúni bul kelisimsharttar 0,9%-ǵa ósip, barreline 84,99 dollar bolǵan edi.