«Ulttyq qor balalarǵa» jobasy aıasynda 304 815 jasóspirim shottaryna túsken qarajatty kádege jaratty. Bul týraly Qarjy mınıstri Mádı Takıev aıtty, dep habarlaıdy almaty-akshamy.kz.
«Bıyl alǵashqy qadam jasalyp, 6,9 mln bala 100,52 dollardan aldy. Óıtkeni, Ulttyq qordyń kirisi 1,3 mlrd dollardy qurady. Onyń jartysy – 695 mln dollar, osy qarajat bólindi. 2024 jyly 18 jasqa tolǵan ne tolatyn balalar sany – 304 815. 1 naýryzda olar 30 mln 640 myń dollar qarajatty aldy. Ulttyq qordyń kirisi artqan saıyn balalarǵa tólenetin tólem kólemi de ulǵaıady», - dedi mınıstr Úkimet otyrysynan keıingi brıfıńte.
Sonymen qatar ol balalarǵa tólenetin tólem únemi 100,52 dollar bolmaıtyndyǵyn aıtty.
«Eń joǵary shegin aıta almaımyn, kóripkel emespin. Degenmen, onyń ulǵaıa túsetindigine úmittenemiz», - dedi Mádı Takıev.