Qandastar qatary artyp keledi
Jyl basynan beri 3 myńǵa jýyq qandas jeńildetilgen tártippen Qazaqstan Respýblıkasy azamattyǵyn aldy, dep habarlaıdy Almaty-akshamy.kz. Qazaqparat saıtyna silteme jasap.
Bul týraly QR İshki ister mınıstrliginiń resmı ókili Nurdildá Oraz aıtty.
«Bıylǵy 1 qańtardan bastap qandastarǵa Qazaqstanda turaqty turýǵa ruqsat alýǵa jáne Qazaqstan azamattyǵyna qabyldaýǵa bir mezgilde qujattar tapsyrý múmkindigi zańdy túrde engizilgen. Buryn olar bul prosedýralardan bólek ótetin, al turaqty turý rásimi 2 aıǵa sozylatyn. Sodan keıin bir aı ishinde turýǵa yqtıarhat daıyndaldy, sodan keıin ǵana Qazaqstan azamattyǵyna qabyldaý úshin qujattar tapsyrýǵa bolatyn edi. Ony qaraý merzimi 3 aıǵa sozylatyn. Al qazir barlyq úsh kezeń bir ýaqytta ótedi», - dedi Nurdildá Oraz mınıstrliktiń aptalyq brıfıńinde.
Onyń aıtýynsha, jyl basynan beri 3 myńǵa jýyq otandas Qazaqstan Respýblıkasynyń azamattyǵyna osyndaı tártippen qabyldanǵan.
«Qazirgi ýaqytta osy mysal boıynsha qandas kýáligin berýden bastap, azamattyqqa qabyldaýǵa deıingi sharalarǵa tartylǵan barlyq memlekettik organdar (EHÁQM, SİM, İİM, AQDM, jergilikti atqarýshy organdar) jumysynyń biryńǵaı algorıtmi engizilýde. Nátıjesinde olar ár memlekettik organǵa jeke-jeke emes, tek bir ret Halyqqa qyzmet kórsetý ortalyǵyna júginetin bolady. Qujattar tizimi de eki esege qysqardy, barlyq kezeńderden ótý merzimi 90 kúndi quraıdy. Materıaldardy barlyq memlekettik organdar qazirgideı kezek boıynsha emes, bir mezgilde qaraıtyn bolady», - dep túsindirdi QR İİM resmı ókili.