Úsik júredi
Sınoptıkter Qazaqstan boıynsha 2023 jylǵy 3 mamyrǵa arnalǵan aýa raıy boljamyn usyndy, dep habarlaıdy Almaty-akshamy.kz.
"Qazgıdromet" RMK usynǵan málimet boıynsha, aýqymdy antısıklon respýblıkanyń basym bóliginde jaýyn-shashynsyz aýa raıyna ákeledi.
"Qazaqstannyń batysynda, ońtústik-batysynda naızaǵaı oınap, burshaq jaýady, keı jerlerde qatty jańbyr jaýady, ońtústik-shyǵys pen shyǵysta jaýyn-shashyn (jańbyr, qar) bolady", – deıdi sınoptıkter.
Respýblıka boıynsha jel kúsheıedi, ońtústikte, ońtústik-shyǵysta, batysta shańdy daýyl turady, soltústikte, soltústik-shyǵysta tuman boljandy.
Túnde Almaty oblysynyń taýly aımaqtarynda, soltústikte, ortalyqta, Jetisý oblysynyń taýly aımaqtarynda, soltústikte, Qostanaı oblysynyń ońtústik-shyǵysynda, Ulytaý oblysynyń shyǵysynda Jambyl oblysynyń taýly aımaqtarynda 1-7 gradýs úsik júredi.
Astanada kóshpeli bult shyǵady, jaýyn-shashynsyz. Shyǵystan soǵatyn jeldiń ekpini 3-8 m/s bolady. Aýa temperatýrasy túnde -3-5°S, kúndiz +12+14°S.
Almatyda kóshpeli bult shyǵady, jaýyn-shashynsyz. Jel 0-5 m/s. Aýa temperatýrasy túnde +3+5°S, kúndiz +12+14°S.
Shymkentte kóshpeli bult shyǵady, jaýyn-shashynsyz. Shyǵystan soǵatyn jeldiń kúshi 8-13, ekpini 15-20, kúndiz 23 m/s bolady. Aýa temperatýrasy túnde +10+12°S, kúndiz +24+26°S.