Mundaı usynysty Qarjy naryǵyn retteý jáne damytý agenttigi jasap otyr.
Eger usynys maquldansa, bank aldyndaǵy qaryzyn 90 kúnnen asa tólemegen azamattarǵa nesıe berilmeýi múmkin, dep habarlaıdy Almaty-akshamy.kz Ulysmedia.kz-ke silteme jasap.
«Banktik qaryz nemese mıkrokredıt boıynsha merzimi ótken bereshegi kúntizbelik 90 kúnnen asatyn jeke tulǵaǵa kásipkerlik qyzmetti júzege asyrýǵa baılanysty emes banktik qaryz berýge tyıym salynady», - dep jazylǵan «Ashyq» NQA portalynda jarıalanǵan jobada.
Mundaı bastama qazaqstandyqtardyń kóp qaryzdanýynyń aldyn alýǵa baǵyttalǵan dep túsindiredi agenttik.
«Azamattardyń boryshtyq júktemesiniń odan ári ósý táýekelderin boldyrmaý úshin ekinshi deńgeıdegi bankterdiń, sondaı-aq mıkroqarjy qyzmetin júzege asyratyn uıymdardyń qaryzdary boıynsha merzimi ótken bereshegi 90 kúnnen asatyn tulǵalarǵa tutyný qaryzdaryn berýdi shekteý usynylady. Bul rette problemalyq bereshektiń ósýin shekteý jáne qoldanystaǵy qaryzdar boıynsha qaryz alýshylardyń boryshtyq júktemesin tómendetý maqsatynda qaryz alýshylardyń bereshekti qaıta qarjylandyrýǵa, onyń ishinde neǵurlym tıimdi sharttarda quqyǵyn saqtaý qajet», - delingen qujatta.