"Qazgıdromet" RMK baspasóz qyzmetiniń málimdeýinshe, kúzdiń basynda elimizdiń basym bóliginde batys antısıklonynyń áserinen aýa raıy jaýyn-shashynsyz bolady, dep habarlaıdy aqshamnews.kz
Alaıda 29 tamyzda soltústik-batys sıklonynyń oıpatynyń ótýine baılanysty eldiń soltústik, ortalyq jáne shyǵys aımaqtarynda aýa raıynyń turaqsyz sıpaty boljanady.
Al, 30 tamyzda turaqsyz aýa raıy Qazaqstannyń ońtústik-shyǵysyn da qamtıdy.
"Jańbyr, naızaǵaı kútiledi, 30 tamyzda eldiń soltústiginde, shyǵysynda jáne ortalyǵynda burshaq pen ekpindi jelmen birge qatty jańbyr boljanady", delingen "Qazgıdromet" RMK habarlamasynda.
Sondaı-aq, sınoptıkter respýblıka boıynsha jeldiń kúsheıýi, batysta, soltústikte, soltústik-batysta túnde jáne tańerteń tuman kútiletindigin de atap ótti.
Aımaqtar boıynsha temperatýralyq fon kelesideı bolady.
Batysta aýa temperatýrasy +20…+31°S sheginde,
ońtústik-batysta +27…+35°S.
Aýanyń tómendeýi kútiledi:
Qazaqstannyń soltústik-batysynda +23…+33°S-tan +15…+23°S-qa deıin,
soltústik oblystarda qatty ystyq +30…+35°S-tan +15…+23°S-qa deıin,
eldiń ortalyǵynda qatty ystyq +30…+37°S-tan +18…+27°S-qa deıin,
Shyǵys Qazaqstanda +22…+32°S-tan +17…+28°S-qa deıin,
ońtústik oblystarda qatty ystyq +30…+41°S-tan +26…+35°S-qa deıin tómendeıdi.
"Ońtústik-shyǵysta +33…+38°S qatty ystyq saqtalady, taýly aımaqtarda +23…+28°S bolady",- delingen aqparatta.