"Qazgıdromet" búgingi kúni kútiletin erekshe meteorologıalyq qubylystarǵa boljaý konsýltasıasyn jarıalady
Respýblıkamyzdyń basym bóligi joǵary qysym alqabynyń áserinde bolýyna baılanysty kóbine jaýyn-shashynsyz aýa-raıy kútiledi. Tek elimizdiń ońtústiginde, ońtústik-shyǵys jáne shyǵysynda da frontaldy bólikterdiń ótýine baılanysty, jaýyn-shashyn, taýly aýdandarda qatty jaýyn-shashyn (jańbyr, qar) jaýady, dep habarlaıdy almaty-akshamy.kz QazAqparat saıtyna silteme jasap.
Aqmola oblysynyń soltústik jáne batysynda, Túrkistan oblysynyń taý asýlarynda, kúndiz Qostanaı oblysynyń batys jáne soltústik-batysynda, túnde Shyǵys Qazaqstan oblysynyń ońtústik-batysynda jeldiń 15-20 m/s kúsheıýi kútiledi. Atyraý oblysynyń batysynda, ortalyq jáne shyǵysynda, Mańǵystaý oblysynyń soltústiginde, Aqtóbe oblysynyń ortalyǵynda, Qaraǵandy oblysynyń ortalyǵy men shyǵysynda, Jambyl oblysynyń taýly aýdandarynda tuman kútiledi.
Soltústik-Kazaqstan oblysynyń ońtústik jáne batysynda tuman kútiledi, túnde ońtústik-batysynda jeldiń kúshi 15-20 m/s, kúndiz oblystyń basym bóliginde 15-20, ekpini 23 m/s. Túnde Pavlodar oblysynyń ońtústiginde tuman, kúndiz oblystyń soltústik-batysynda jeldiń 15-20 m/s kúsheıýi kútiledi.