Táýelsiz Qazaqstannyń tuńǵysh Qorǵanys mınıstri, Qazaqstannyń memleket jáne áskerı qaıratkeri, Keńes Odaǵynyń Batyry, №1 Halyq Qaharmany, armıa generaly Saǵdat Qojahmetuly Nurmaǵambetovtiń 100 jyldyq mereıtoıyna oraı 28 gvardıashy-panfılovshylar saıabaǵynda saltanatty is-shara ótti.
«Ofıserler odaǵy» QB uıymdastyrýmen ótken saltanatty is-shara barysynda Saǵdat Nurmaǵambetovqa qurmet kórsetilip, «Máńgilik alaýǵa» gúl shoqtary qoıyldy. İs-sharaǵa UOS qatysýshylary men tyl eńbekkerleri, «Ofıserler odaǵy» QB ókilderi, QR Qarýly Kúshteriniń ardagerleri jáne qala turǵyndary qatysty.
- Saǵdat Nurmaǵambetovtyń eńbegi men erligin dáripteý maqsatynda úlken jumys atqarylyp jatyr. 2017 jyly onyń qola bústin Máskeýdiń Ortalyq murajaıynyń Dańq zalyna qoıyldy. Jeke ózin eske alatyn bolsam, ol óz jaýyngerlerin jaqsy kóretin. Bizge qamqor bolatyn, polk komandırleriniń árqaısysyn jeke-jeke aty-jónimen tanıtyn. Ózi kazarmalardy aralap, sarbazdardyń jaı-kúıimen tanysatyn. Qazaqstan Qarýly kúshteriniń qaısysy qaı jerde ekenin tolyq biletin. Kóptegen áskerı bólimderi ózi jeke ashty. Saǵdat Nurmaǵambetovtyń basshylyǵymen aýyr kezeńde elimizdiń áskerin saqtap qaldyq jáne ony ári qaraı damyta aldyq, – dedi «Ofıserler odaǵy» QB tóraǵasy, general-maıor Mahmut Telegýsov.