Dúısenbide eldiń basym bóliginde naızaǵaı, jańbyr kútiledi
Atmosferalyq frontaldy bólikterdiń áserinen 27 maýsym kúni Qazaqstannyń basym bóliginde qubylmaly kún raıy saqtalady: naızaǵaı oınap, jańbyr jaýady, soltústikte, shyǵysta, ońtústikte burshaq, daýyl, ońtústik-batysta shańdy daýyl kútiledi. Respýblıka boıynsha ekpindi jel turady, dep habarlaıdy Almaty-akshamy.kz Qazgıdrometke silteme jasap.
Kúndiz Shyǵys Qazaqstan, Abaı, Qyzylorda oblystarynyń basym bóliginde, Qaraǵandy oblysynyń ońtústiginde qatty ystyq saqtalady.
Kúndiz Almaty oblysynyń batysynda, Jetisý oblysynyń soltústiginde, shyǵysynda, Jambyl oblysynyń batysynda, soltústiginde, Mańǵystaý oblysynyń ońtústiginde, Túrkistan oblysynyń shóldi aýdandarynda óte qatty ystyq saqtalady.
Qyzylorda oblysynyń basym bóliginde, Almaty, Abaı oblystarynyń batysynda, Batys Qazaqstan oblysynyń shyǵysynda, Atyraý oblysynyń soltústik-batysynda, Aqtóbe oblysynyń ońtústiginde, shyǵysynda, Ulytaý oblysynyń ońtústik-batysynda, Jambyl oblysynyń ońtústik-shyǵysynda, Pavlodar oblysynyń ortalyǵynda tótenshe órt qaýpi saqtalady.