Qupıa qujattar qoljetimdi bola tústi.
Saıası qýǵyn-súrgin qurbandaryn tolyq aqtaý jónindegi memlekettik komısıa jumysyn jalǵastyrady, dep habarlaıdy Almaty-akshamy.kz.
Bul týraly alashtanýshy Dıhan Qamzabekuly aıtty. Memlekettik komısıanyń sapaly jumysy nátıjesinde 2,6 mıllıonnan astam qujattan qupıa degen belgi alynyp tastaldy. Zertteý jumysyna 400-den astam ǵalym qatysqan. 7 myńǵa jýyq qujat prezıdent arhıvine tapsyryldy.
«Qýǵyn-súrgin qurbandaryn tolyq aqtaý komısıasynyń qazirgi jınaǵy 72 jınaq bolyp shyqty. Qazaqstannyń óńirleriniń bárin eseptegende 400 den astam ǵalym jumys jasady. Men sonyń metodolog-ádisnamalyq baǵytynda qyzmet atqardym. Komısıanyń jumys ofısi degen boldy. Jumys ofısin Sabyr Qasymov degen belgili zańger, qoǵam qaıratkeri, eks-senator basqardy», - deıdi Qýǵyn-súrgin qurbandaryn tolyq aqtaý jónindegi memlekettik komısıasynyń múshesi Dıhan Qamzabekuly