Aýyl sharýashylyǵy mınıstrligi jańa salalyq jobalarǵa kredıt berýdiń basym baǵyttaryn keńeıtý maqsatynda qoı fermalaryn da qosý týraly usynys jasady. Qazirgi ýaqytta kópshilik talqylaýyna shyǵarylǵan buıryq jobasynda agroónerkásip jobalaryna kredıt berýdiń qosymsha 8 basym baǵyty kórsetilgen. Olardyń ishinde qoı fermalaryn qurý baǵyty da bar.
Buıryq jobasyna sáıkes, Soltústik Qazaqstan oblysynyń tájirıbesin respýblıkaǵa taratý baǵdarlamasynyń aıasynda beriletin 2,5 paıyzdyq nesıe kelesi baǵyttardy qamtıdy:
1. Taýarlyq sút fermalaryn qurý
- Qýaty: 400 bastan bastap.
2. Etti baǵyttaǵy qus fabrıkalaryn qurý
- Jylyna: 5000 tonna qus etinen bastap.
3. Etti baǵyttaǵy mal sharýashylyǵy kásiporyndaryn qurý
- Qýaty: 5000 bastan bastap.
4. Kókónis saqtaý qoımalaryn qurý
- Qýaty: 1000 tonnadan bastap.
5. Jemis saqtaý qoımalaryn qurý
- Qýaty: 1000 tonnadan bastap.
6. Ónerkásiptik jylyjaı sharýashylyǵyn qurý
7. Aýyl sharýashylyǵy ónimderin tereń óńdeý kásiporyndaryn qurý
- Qamtıtyn ónimder: jún men teri.
8. Taýarlyq balyq jáne basqa da sý janýarlaryn ósiretin balyq ósirý sharýashylyqtaryn qurý
- Qýattylyǵy: jylyna 25 tonnadan bastap.
9. Balyq óńdeý kásiporyndaryn qurý
- Óndiristik qýattylyǵy: táýligine 1 tonnadan bastalatyn balyqty arshyp, tazalaıtyn, odan ári tereńdete óńdeıtin jáne saqtaıtyn.
10. AÓK salasyndaǵy jobalar boıynsha býyp-túıý materıaldaryn óndirý kásiporyndaryn qurý
11. Qus sharýashylyǵyndaǵy asyl tuqymdyq reprodýktorlardy qurý
12. Sý únemdeý tehnologıalaryn paıdalana otyryp, sýarmaly eginshilikti qurý
- Qamtıtyn daqyldar: kartop pen kókónister, azyq óndirisi.
13. Qoı fermalaryn qurý
- Qýaty: 5000 bastan bastap.
Mınıstrlik usynystarynyń maqsaty - aýyl sharýashylyǵy salasynyń ártúrli baǵyttaryn damytý, otandyq ónim óndirýshilerdi qoldaý jáne elimizdiń agroónerkásip keshenin nyǵaıtý bolyp tabylady. Qoı fermalaryn qurý baǵytynyń engizilýi, qoı sharýashylyǵynyń damýyna jańa serpin berip, Qazaqstanda mal sharýashylyǵynyń úlesin arttyrady dep kútilýde.