Vaksına saldyrǵandar sany boıynsha Almaty qalasy aldyńǵy orynda.
Onyń ishinde 1892 júkti áıel, 7 244 bala emizetin ana jáne 25 447 jasóspirim bar, dep habarlaıdy Almaty-akshamy.kz qalalyq qoǵamdyq densaýlyq saqtaý basqarmasyna silteme jasap.
Almaty qalasynda bir táýlikte 3 840 adam koronavırýsqa qarsy vaksına saldyrdy. Bul týraly qalalyq qoǵamdyq densaýlyq saqtaý basqarmasy málim etti.
«18 qańtar kúni 3 840 almatylyq vaksına saldyrdy. Vaksına saldyrǵandar sany boıynsha Almaty qalasy aldyńǵy orynda. Ótken jyldyń 1 aqpany men bıylǵy 18 qańtar aralyǵynda qalada 1 090 869 turǵyn vaksınanyń birinshi komponentin, 1 038 980 adam ekinshi komponentin saldyrǵan. Onyń ishinde 123 636 adamnyń jasy 60-tan asqan», - dep habarlady basqarmadan.
Búgingi tańda Pfizer (Comirnaty) kompanıasynyń ekpesin 34 583 adam saldyrdy. Onyń ishinde 1892 júkti áıel, 7 244 bala emizetin ana jáne 25 447 jasóspirim bar. Revaksınasıadan 93 089 almatylyq ótti.
«Búgingi tańda qalada medısınalyq uıymdarda 119 vaksınasıa pýnkti jumys isteıdi. 140 vaksınasıa brıgadasynda 522 medısına qyzmetkeri jumyldyryldy», - dep atap ótti Almaty qalasy qoǵamdyq densaýlyq basqarmasynyń baspasóz qyzmeti.