Eldiń basym bóliginde kún bultty
"Qazgıdromet" RMK sınoptıkteri 24 sáýirge arnalǵan aýa raıy boljamyn jáne daýyldy eskertýdi usyndy. Sınoptıkterdiń boljamynsha, erteń jel kúsheıip, tuman túsedi, respýblıkanyń ońtústiginde, ońtústik-batysynda shańdy daýyl soǵady, dep habarlaıdy Almaty-akshamy.kz.
Respýblıkanyń basym bóliginde atmosferalyq frontaldy bólikterdiń ótýinen jańbyr jaýady, soltústikte, shyǵysta, ońtústikte naızaǵaı oınaıdy. Qazaqstan boıynsha jeldiń kúsheıip, batysta, soltústikte tuman, al ońtústikte, ońtústik-batysta shańdy daýyl bolady.
Aqmola oblysynyń batysynda naızaǵaı, tuman kútiledi. Jel ońtústik-batystan soltústik-batysqa aýysady, oblystyń batysynda, soltústiginde, shyǵysynda ekpini 15-20 m/s. Kókshetaý q.: 24 sáýirde jel ońtústik-batystan soltústik-batysqa aýysady, kúndiz ekpini 15-20 m/s.
Mańǵystaý oblysynyń ońtústiginde, shyǵysynda, ortalyǵynda shańdy daýyl kútiledi. Soltústik-shyǵystan soǵatyn jel ońtústik-shyǵysqa aýysady, kúndiz oblystyń ońtústiginde, shyǵysynda, ortalyǵynda 15-20 m/s kútiledi.
Astanada sáýirde jel ońtústik-batystan soltústik-batysqa aýysady, kúndiz ekpini 15 m/s kútiledi.
Batys Qazaqstan oblysynyń soltústik-batysynda, shyǵysynda tuman kútiledi.
Soltústik Qazaqstan oblysynyń batysynda, ońtústiginde naızaǵaı kútiledi. Oblystyń ońtústik-shyǵysynda shańdy daýyl. Soltústik-batystan jel soǵady, túnde oblystyń soltústiginde ekpini 15-20 m/s, kúndiz oblystyń basym bóliginde kúshi 15-20 m/s, ekpini 23-28 m/s. Petropavl q.: 24 sáýirde soltústik-batystan jel soǵady túnde ekpini 15-20 m/s, kúndiz kúshi15-20, ekpini 23 m/s.
Atyraý oblysynyń soltústiginde tuman kútiledi. Ońtústik-shyǵystan jel soǵady, kúndiz oblystyń batysynda, ońtústiginde 15-20 m/s. Atyraý q.: 24 sáýirde ońtústik-shyǵystan jel soǵady, kúndiz ekpini 15-18 m/s.
Qostanaı oblysynyń shyǵysynda, soltústiginde naızaǵaı kútiledi. Túnde oblystyń soltústiginde tuman. Soltústik-batystan jel soǵady, kúndiz oblystyń soltústiginde ekpini 15-20 m/s.
Pavlodar oblysynyń shyǵysynda, ortalyǵynda naızaǵaı kútiledi. Soltústik-batystan jel soǵady, ekpini 15-20 m/s kútiledi. Pavlodar q.: 24 sáýirde kúndiz naızaǵaı kútiledi. Soltústik-batystan jel soǵady, ekpini 15-20 m/s kútiledi.
Qaraǵandy oblysynda ońtústik-batystan soǵatyn jel soltústik-batysqa aýysady, kúndiz oblystyń soltústiginde, shyǵysynda ekpini 15-20 m/s kútiledi.
Abaı oblysynyń soltústiginde, batysynda, ortalyǵynda jel ońtústikten soltústik-batysqa aýysady, kúshi 15-20, kúndiz ekpini 23 m/s. Semeı q.: 24 sáýirde ońtústikten soǵatyn jel soltústik-batysqa aýysady, kúndiz ekpini 15-18 m/s.
Shyǵys Qazaqstan oblysynyń soltústiginde, batysynda, ortalyǵynda jel ońtústik-shyǵystan soltústik-batysqa aýysady, kúshi 15-20, kúndiz ekpini 23 m/s. Óskemen q.: 24 sáýirde ońtústik-shyǵystan jel soǵady, kúndiz ekpini 15-18 m/s.
Túrkistan oblysynyń taýlarynda naızaǵaı kútiledi. Oblystyń soltústiginde shańdy daýyl. Soltústik-shyǵystan jel soǵady, oblystyń soltústiginde, taýly aýdandarynda kúshi 15-20 m/s.