Bes óńirde tuman, aqtútek boran bolady.
24 qańtarda elimizdiń bes oblysynda qolaısyz aýa raıyna baılanysty eskertý jarıalandy, dep habarlaıdy Zakon.kz.
Túrkistan oblysynyń ońtústiginde, batysynda, taýly aýdandary men taý bókterinde tuman túsedi dep kútiledi. Shymkentte túnde jáne tańerteń tuman túsedi dep boljanady. Túrkistanda da túnde jáne tańerteń tuman bolady.
Shyǵys Qazaqstan oblysynyń soltústiginde, shyǵysynda jaıaý burqasyn júredi dep kútiledi. Oblystyń soltústiginde ońtústik shyǵystan soqqan jeldiń ekpini 15-20 m/s quraıdy.
Abaı oblysynyń soltústiginde, ońtústiginde, batysynda qarly boran bolady dep kútiledi. Oblystyń ortalyǵynda, soltústiginde ońtústik batystan soqqan jeldiń ekpini 15-20 m/s jetedi.
Jetisý oblysynda Alakól aýdanynda soltústik shyǵystan 15-20 m/s jyldamdyqpen jel soǵady, túnde onyń ekpini 25 m/s bolady dep kútiledi.
Soltústik Qazaqstan oblysynyń shyǵysynda qarly boran bolady dep kútiledi. Oblystyń ońtústiginde tuman túsedi. Kúndiz oblystyń shyǵysynda soltústik batystan, batystan 15-20 m/s jyldamdyqpen jel soǵady.