1992 jylǵy 23 maýsymda Qazaqstan Respýblıkasy Joǵarǵy Keńesi «Qazaqstan Respýblıkasy ishki ister organdary týraly» zańdy qabyldaǵan edi. Bul zań Qazaqstan polısıasynyń qyzmeti men mindetin aıqyndaıtyn alǵashqy quqyqtyq akt boldy.
2007 jyly 5 maýsymda «Qazaqstan Respýblıkasy ishki ister organdary týraly» QR Zańynyń qabyldanǵanyna 15 jyl tolýyna oraı, 23 maýsym – Polısıa kúni bolyp bekitildi.
Qazaqstan Polısıasy kúni – polısıa qyzmetkerleri men ardagerleriniń eńbegin eskerip, olarǵa rızashylyq pen alǵys sezimderin bildirý kúni. Bul kúni qyzmet barysynda qaza tapqan polıseıler eske alynyp, is-sharalar uıymdastyrylady.
Sonymen birge, QR İshki ister mınıstri Marat Ahmetjanovtyń aıtýynsha, polısıa qyzmetine kelýshiler qatary 4 ese artty. Bul úshin qyzmetkerlerdiń alatyn aılyǵyn ósirý jáne basqa da kótermeleý sharalary qabyldanǵan.