Dárigerler kúnine ondaǵan naýqasty tekseredi
23 mamyrda elimizdiń óńirlerindegi shalǵaı jatqan stansıalar men razez turǵyndaryna medısınalyq qyzmet kórsetý úshin arnaıy poıyzdar jolǵa shyǵady, dep habarlaıdy Almaty-akshamy.kz «Qazaqstan temir joly» UQ» aksıonerlik qoǵamynyń baspasóz qyzmetine silteme jasap.
Baspasóz málimetine qaraǵanda, dárigerler shalǵaıdaǵy stansıalar men oǵan jaqyn mańdaǵy kentterdiń turǵyndaryna alǵashqy medısınalyq-sanıtarıalyq jáne konsýltasıalyq-dıagnostıkalyq kómek kórsetedi. Medbrıgadalar quramynda terapevt, pedıatr, LOR, kardıolog, oftalmolog, stomatolog jáne t.b. mamandar bar. Poıyzdar 13000 km-den astam qashyqtyqty júrip ótip, shalǵaı ornalasqan Toltyr, Afanasevo, Begimbet, Nıkeltaý sıaqty stansıalar men razezderge barady. Bıyl 200-ge jýyq stansıa men razezdi qamtý josparlanyp otyr. «Medısınalyq poıyzdar» jobasyn júzege asyrýdaǵy maqsat azamattardyń densaýlyǵyna degen qamqorlyq, elimizdiń ortalyqtan shalǵaı ornalasqan aımaqtaryndaǵy turǵyndaryn da tegin medısınalyq qyzmettermen qamtamasyz etý. «Járdem» jáne «Salamatty Qazaqstan» medısınalyq poıyzdary arnaıy jabdyqtalǵan 8 mamandandyrylǵan vagonnan turady. Dárigerler kúnine ondaǵan naýqasty tekseredi.
Medısınalyq poıyzdar jumys istep turǵan stansıaǵa bilikti mamandardyń tekserýinen ótý úshin ózge eldi mekenderden de turǵyndar keledi»,-delingen «Qazaqstan temir joly» UK» AQ baspasóz qyzmeti taratqan aqparatta.
«Dárigerlerdiń aıtýynsha, «Medısınalyq poıyzdar» jobasy halyq úshin mańyzdy. Óıtkeni ol turǵyndarǵa sapaly medısınalyq kómek alýǵa múmkindik beredi.