Elimiz boıynsha mıllıonnan astam azamat osy zańmen jaǵdaıyn túzeı alady.
Almatyda 214 myńnan astam adam bir jyldan beri nesıeleri boıynsha tólem júrgizbegen. Olar ózderin bankrot dep jarıalaýy múmkin, dep habarlaıdy Almaty-akshamy.kz
Alaıda mamandar bul jeńildiktiń artynda biraz shekteýler baryn alǵa tartyp otyr. Memlekettik kirister komıtetiniń mamandary túsindirme jumystaryn júrgizdi.
Respýblıka boıynsha bir mıllıonnan astam azamat osy zań aıasynda jaǵdaıyn túzeı alady. Mamandardyń aıtýynsha, olardyń deni, ıaǵnı, 215 myńǵa jýyǵy Almatyda turyp jatyr. Sol sebepti, halyqqa jańa zańnyń tetikterin túsindirý dál osy shahardan bastalǵan, dep jazady qazaqstan.tv.
«Bul zań barlyq qazaqstandyqty bankrot atandyrý maqsatyn ustanbaıdy. Bul zań qaryzdyq aýyrtpashylyqqa batqan azamattardyń tetikterin sheshýge arnalǵan. Múldem keshirilmeıtin qaryzdar da bar. Ol, mysaly, basqa adamǵa, onyń ómirine, densaýlyǵyna keltirilgen zıan, sondaı-aq alımenttik tólemder», - dedi QR Qarjy mınıstrligi memlekettik kirister komıteti bóliminiń ókili Merýert Seısembaeva.
"Bul rette, halyq arasynda osy zańǵa qatysty nesıege amnıstıa jarıalaý syndy jańsaq túsinik qalyptasqan, Alaıda, onyń jaýapkershiligi ózgeshe ekenin túsingen jón", - deıdi qarjygerler. Máselen, bankrottyq rásimdi iske asyrǵannan keıin 5 jyl boıy nesıe berilmeıdi. Sondaı-aq memleket tarapynan boryshkerdiń qarjy jaǵdaıyna 3 jyl boıy monıtorıń jasalady. Jańa zań naýryz aıynan bastap qoldanysqa enedi.