Naýryzbaı aýdanynda 21 jańa podstansıa ornatylady, dep habarlaıdy almaty-akshamy.kz
Bıyl elektr jelilerin modernızasıalaý aıasynda Shuǵyla, Aqjar, Taýsamaly, Quramys, Rahat, Qaraǵaıly jáne Qalqaman shaǵynaýdandarynda 56 transformatorlyq podstansıa modernızasıalanady.
Onyń ishinde 21 jańasy ornatylady, sondaı-aq 114,5 shaqyrym elektr jelileri jáne 35 transformatorlyq podstansıa modernızasıadan ótedi.
Bul sharalar elektrmen turaqty qamtamasyz etýge jáne avarıalyq jaǵdaılardy azaıtýǵa múmkindik beredi. Jumystar mamyr aıynyń sońynda bastalyp, osy jyldyń sońynda aıaqtalady.