Qazaqstannyń týrısik aımaqtarynda mobıldi baılanys pen ınternetpen qamtý keńeıtilýde
Memleket basshysynyń tapsyrmasyn oryndaý aıasynda elimizdiń úsh negizgi týrısik óńirinde sıfrlyq ınfraqurylymdy damytý boıynsha keshendi jumys júrgizilýde.
Bul týraly Úkimet otyrysynda sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev málimdedi, dep habarlaıdy aqshamnews.kz.
Atalǵan sharalar uıaly baılanys pen ınternetti qamtamasyz etýdi, jańa Wi-Fi núktelerin ornatýdy, antena-dińgek qurylystaryn salýdy jáne talshyqty-optıkalyq jelilerge qosylýdy qamtıdy.
Almaty óńirinde Shymbulaq kýrorty joǵary jyldamdyqty ınternetpen jáne qosymsha Wi-Fi núktelerimen (Medeýdi qosa alǵanda) qamtamasyz etilgen. 2029 jylǵa deıin Qaskeleń jáne Túrgen ýchaskelerinde baılanys jelilerin damytý josparlanǵan.
Aqtaýda 2024 jyly 76 4G bazalyq stansasy ornatylyp, 67-si jańǵyrtyldy. 2025 jyldyń sońyna qaraı qalada 5G qamtýdy 60%-ǵa deıin jetkizý josparlanýda.
Shýchınsk-Býrabaı kýrorttyq aımaǵynda Býrabaı jáne Shýchedegi qonaqúıler men týrısik oryndarynda antena-dińgek qurylystary men Wi-Fi-núkteleri ornatylady.